जालना : अनिष्ठ रूढी आणि अंधश्रद्धेचा पगडा ग्रामीण भागासह शहरी भागात पण अद्यापही कायम असल्याचे वेळोवेळी पाहायला मिळत असते. अशीच एक धक्कादायक घटना जालन्यात समोर आली आहे. गुप्तधनासाठी नरबळी देण्याच्या तयारीत असलेल्या तीन जणांना जालन्यातील टेंभुर्णी पोलिसांनी अटक केली आहे.

हे देखील पहा :

जाफ्राबाद तालुक्यातील डोनगाव येथे ही कारवाई करण्यात आली आहे. पोलिसांनी अटक केलेल्या आरोपींमध्ये दोन पुरुषांचा समावेश असून बुलडाण्यातील उंबरखेड येथुन एका महिला मांत्रिकाला देखील अटक करण्यात आली आहे. डोनगाव येथील एका महिलेने सदर आरोपी गावातील जुन्या वाड्यातील गुप्तधनाच्या शोधात असून गुप्तधनासाठी नरबळी देण्याच्या तयारीत असल्याची माहिती पोलिसांना दिली.

त्यानंतर पोलिसांनी वेगाने या प्रकरणाचा तपास करत तिन्हीही आरोपींना तातडीने अटक केली. या तिघा आरोपींवर पोलिसांनी महाराष्ट्र नरबळी आणि जादूटोणा प्रतिबंध अधिनियम कायद्यानुसार गुन्हा दाखल केला आहे. या प्रकरणी पोलीस अधिक तपास करत आहे.

Edited By : Krushnarav Sathe