सातारा : राज्य परिवहन महामंडळाच्या कर्मचा-यांचा संपामुळे दरराेज साताराहून पुण्याला जाणा-या नाेकरदारांना, विद्यार्थ्यांना आर्थिक फटका बसत हाेता. परंतु आता साता-याहून पुण्याला जाणा-या थाेड्याफार प्रमाणात दिलासा मिळणार आहे. येथील मुख्य बसस्थानाकावरुन सातारा - स्वारगेट या शिवशाही बसची सुविधा प्रत्येक तासाला सुरु केल्याची माहिती राज्य परिवहन महामंडळाच्या सातारा आगाराच्या प्रमुख रेश्मा गाडेकर यांनी दिली.

रेश्मा गाडेकर म्हणाल्या सातारा येथून पुण्याला जाणा-यांची संख्या माेठी आहे. त्यापार्श्वभुमीवर शिवशाही बस सुरु झालेली आहे. दरराेज सकाळी सहा वाजता फे-यांना प्रारंभ हाेता. या फे-या सांयकाळी पाच पर्यंत सुरु असतात. या बसचे शुल्क २३० रुपये आहेत. प्रवाशांचा उत्तम प्रतिसाद आहे.

दरम्यान राज्य परिवहन महामंडळाच्या कर्मचा-यांनी गेल्या काही दिवसांपासून सुरु केलेल्या संपामुळे साता-यातील बहुसंख्य प्रवाशांना खासगी सेवेचा आधार घ्यावा लागत हाेता. शिवशाही बस सुविधा सुरु झाल्याने प्रवाशांना दिलासा मिळणार आहे.