अमर घटारे, अमरावती

अमरावतीमध्ये भीषण अपघाताची घटना समोर आली आहे. अमरावती -नागपूर महामार्गावर शिवशाही बसला भीषण अपघात झाला. नागपूरवरून अकोलाला जाणारी शिवशाही बस महामार्गावर उलटली. या अपघातामध्ये २५ पेक्षा जास्त प्रवासी जखमी झाले आहेत. तर एका प्रवाशाचा मृत्यू झाला. गाईला वाचवण्याच्या प्रयत्नात हा अपघात झाल्याची माहिती समोर आली आहे. या अपघातामुळे अमरावती -नागपूर महामार्गावर मोठी वाहतूक कोंडी झाली आहे. महामार्गावर वाहनांच्या लांबच लांब रांगा लागल्या आहेत. नागपूर- मुबंई महामार्ग एकाबाजूने बंद करण्यात आला आहे.