सिंधूदूर्ग : सिंधुदुर्ग जिल्हा बँक निवडणुकीला गालबोट लागलं. भाजपच्या महिला पदाधिकाऱ्यांना सतिश सावंता यांनी दात तोडण्याची भाषा वापरली. त्यामुळे संबंधित महिलेने उपस्थित पाेलिसांना ही बाब सांगितली. त्यानंतर शिवसेना कार्यकर्ते आणि पोलिसांची देखील जुंपली. शिवसेना कार्यकर्त्यांनी पाेलिसांशी हुज्जत घातली.

सिंधुदुर्ग (sindhudurg) जिल्हा बँक निवडणुकीसाठी मतदान सुरु आहे. महाविकास आघाडीचे सहकार (mva) समृद्धी पॅनल सतीश सावंत यांच्या नेतृत्वाखाली आणि भाजपचे सिद्धीविनायक पॅनल राजन तेली यांच्या नेतृत्वाखाली ही लढत आहे. आज सकाळपासून शांततेत मतदान सुरु हाेते.

दरम्यान कणकवली तहसीलदार कार्यालयात विद्यमान अध्यक्ष सतीश सावंत हे मतदान केंद्रावर मोबाईल वापरत आहेत असा आराेप जिल्हा परिषद अध्यक्ष संजना सावंत यांनी घेतला. त्यानंतर सावंत आणि संजना सावंत या दाेघांमध्ये शाब्दिक चकमक उडाली. त्यानंतर सावंत यांनी संजना यांचा दात ताेडण्याची भाषा केली. त्यामुळे संजना या भडकल्या आणि पाेलिसांनी त्यांना शांत केले. दरम्यानच्या काळात सतीश सावंत, शिवसेना कार्यकर्ते आणि पाेलिस यांच्यातही बाचाबाची झाली.

edited by : siddharth latkar