मुबंई: भाजपने (BJP) २०२४ साठी मिशन कोकण सुरु केलं आहे. शिवसेनेचे दोन माजी मंत्री आणि एक विद्यमान आमदार भाजपच्या संपर्कात असल्याचे बोलले जात आहे. कोकण हा शिवसेनेचा बालेकिल्ला आहे. याच बालेकिल्यावर आता भाजपने लक्ष केलं आहे. शिवसेनेत (Shivsena) नाराज असलेल्या नेत्यांच्या संपर्कात भाजप असल्याचे बोलले जात आहे.

भाजपने चार राज्याच्या विधानसभेत मोठा विजय मिळवल्यानंतर भाजपने आता महाराष्ट्रसाठी मिशन २०२४ सुरु केले आहे. नागपुरात सभेत बोलताना विरोधी पक्षनेते देवेंद्र फडणवीस (Devendra Fadnvis) यांनी मिशन २०२४ असल्याचे सांगितले होते. २०२४ च्या विधानसभा भाजप (BJP) स्वबळावर लढणार असल्याचे फडणवीस यांनी जाहीर केले होते.

त्यामुळे भाजप २०२४ ला स्वबळावर लढण्याची तयार करत असल्याचे बोलले जात आहे. कोकण हा शिवसेनेचा बालेकिल्ला आहे. याच बालेकिल्ल्याला भाजप सुरुंग लावण्याच्या तयारीत आहे. शिवसेनेत (Shivsena) सध्या कोकणातील काही नेते नाराज आहे. याचाच फायदा भाजप घेणार आहे. कोकणातील दोन माजी मंत्री आणि एक विद्यमान आमदार भाजपच्या संपर्कात असल्याच्या चर्चा सध्या राजकीय वर्तुळात सुरु आहेत.

यामुळे राज्याच्या राजकारणात चर्चा सुरु झाल्या आहेत. भाजप आता स्वबळाचा नारा घेऊन २०२४ च्या विधानसभा निवडणुकांत उतरणार असल्याचे बोलले जाते आहे. या अगोदर मुंबई महानगर पालिका होणार आहेत यासाठी भाजप तयारी करत आहे. मुंबईत भाजपचे मेळावे सुरु झाले आहेत.