जालना : परतूर पालिकेच्या (partur muncipal council) वतीने आकारण्यात येत असलेल्या वाढीव घरपट्टी विरोधात शिवसेनेच्या (shivsena) वतीने आज आक्रमक भूमिका घेण्यात आली. वाढीव घरपट्टी आकारणीला विरोध दर्शवत आज सेनेने परतूर (partur) पालिकेच्या मुख्य कार्यालयास कुलूप (lock) ठोकले. (partur latest marathi news)

दरम्यान संतप्त शिवसैनिकांना पालिकेच्या मुख्य कार्यकारी अधिकारी यांनी त्यांच्या दालनात बोलावत त्यांच्याशी चर्चा केली. शिवसेनेच्या मागण्यांचे निवेदन स्विकारत त्यावर ताेडगा काढू असे आश्वासन आंदाेलकांना दिले.

यावेळी शिवसैनिकांनी (shivsainik) जुन्याच पद्धतीने घरपट्टी आकारण्यात यावी. शहरातील मुल्यांकन करताना मालमत्ता धारकांची परवानगी न घेता परस्पर मोजमाप करून पालिकेने केलेल्या नोंदी तात्काळ रद्द कराव्यात अशा मागण्या मांडल्या. या मागण्या मान्य नाही झाल्या तर पुन्हा शिवसेना स्टाईल आंदोलन केले जाईल असा इशारा प्रशासनास देण्यात आला.

Edited By : Siddharth Latkar