सातारा : कास (kass) परिसरात भूमिपुत्रांनी स्वत:च्या जागेत बांधकाम केले आहे. ज्यांनी नियमबाह्य बांधकाम केले असेल तर जरुर पाडा परंतु याेग्य पद्धतीने असलेल्या बांधकामांवर कारवाई करणार असाल तर पहिल्यांदा आमच्यावर बुलडाेजर चालवा असं आमदार शिवेंद्रसिंहराजे भाेसले (shivendrasinhraje bhosale) यांनी म्हटलं आहे. राजेंनी हा प्रशासनास एक इशाराच दिला असल्याने आता सातारा जिल्हा प्रशासनाच्या भुमिकेकडं लक्ष लागून राहील. (Kass Latest Marathi News)

साताऱ्याहून कास पठाराकडे जाणारा रस्त्यावर बहुतांशी भागात अनधिकृत पद्धतीने हॉटेल बांधकामे झाले असल्याबाबत प्रशासनाने स्थानिकांना नोटीस बजावली आहेत. यामुळे स्थानिक व्यावसायिक हवालदिल झाले आहेत. याची व्यथा सातारा जावलीचे आमदार शिवेंद्रसिंहराजे भोसले यांच्याकडे त्यांनी मांडल्या.

आमदार शिवेंद्रसिंहराजेंनी स्थानिक भूमिकारांच्या उभे पाठीशी उभे राहत सातारा जिल्हा प्रशासनाला याविषयी जाब विचारला आहे. स्थानिक ग्रामस्थांनी त्यांच्या स्वतःच्या जागेत जर बांधकाम केले असेल तर ते बांधकाम अनधिकृत कसे असा सवाल त्यांनी उपस्थित केला आहे. त्या परिसरात वनविभाग सरकारी जागा मोठ्या प्रमाणात आहे अशा ठिकाणी जर एखादा बांधकाम असेल ते काढावे. मात्र भूमिपुत्रांनी जर स्वतःच्या जागेत बांधकाम करून देखील प्रशासन कारवाईचा घाट घालत असेल तर बांधकाम पाडताना पहिल्यांदा आमच्यावर बुलडोजर चालवावा आणि नंतर बांधकामे पाडावीत असा इशारा आमदार शिवेंद्रसिंहराजे यांनी प्रशासनाला दिला आहे.

Edited By : Siddharth Latkar