- सुशील थोरात

Nagar News : मुलींच्या होणाऱ्या छेडछाड प्रकरणात पोलिसांनी गांभीर्याने लक्ष घालावे अन्यथा कायदा हातात घ्यावा लागेल असा इशारा भाजपचे माजी मंत्री शिवाजी कर्डिले (shivaji kardile) यांनी दिला आहे. कर्डिलेंनी बाेलाविलेल्या बैठकीस ग्रामस्थांनी माेठ्या संख्येने उपस्थिती लावली हाेती. (Maharashtra News)

पाथर्डी तालुक्यातील तिसगाव शहरात असणार्‍या शाळा, कॉलेज, खासगी क्लासेससाठी येणार्‍या मुलींच्या छेडछाडीच्या घटना वाढल्याने भाजपचे माजी मंत्री शिवाजी कर्डीले यांनी स्थानिक नागरिकांसह पोलीस (police) प्रशासनासोबत बैठक घेतली. या बैठकीत कर्डीलेंनी पाेलिसांना कायदा व सुव्यवस्थेचा माेठा प्रश्न निर्माण झाल्याचे विविध दाखले दिले.

छेडछाडीचा व्हिडिओ व्हायरल

2 जुलैला दुपारी तीन वाजण्याच्या सुमारास एका शालेय विद्यार्थीनीची छेड काढल्याचा प्रकार समोर आला होता. या घटनेचा व्हिडिओ देखील समोर आला होता. याची दखल घेऊन राज्य महिला आयोगाने पोलीस प्रशासनाला कडक कारवाईचे निर्देश दिले होते.

अन्यथा कायदा हातात घेऊ

ही घटना ताजी असताना पुन्हा एकदा थेट शाळेत येऊन एका युवकाने मुलींची छेड काढल्याचा प्रकार घडल्याने नागरिक संतप्त झाले आहेत. दरम्यान अशा घटनांना आवर घालण्यासाठी पोलीस प्रशासनाने तातडीने पाऊल उचलावीत अन्यथा आम्हांला कायदा हातात घ्यावा लागेल असा इशारा माजी मंत्री शिवाजी कर्डीले यांनी पाेलिस दलास आज दिला.

Edited By : Siddharth Latkar