पुणे: दिल्लीमध्ये सुरू असलेल्या अखिल भारतीय मराठी साहित्य संमेलनात बोलताना शिवसेना नेत्या नीलम गोऱ्हे यांनी शिवसेना ठाकरे गटावरी एक गंभीर आरोप केला होता . उद्धव ठाकरे यांच्या शिवसेनेत एका पदासाठी दोन मर्सिडीज द्याव्या लागत होत्या, असा खळबजनक आरोप नीलम गोऱ्हे यांनी केला होता. नीलम गोऱ्हे यांच्या या वक्तव्यानंतर आता ठाकरेंची सेना आक्रमक झाली आहे. 'नीलम गोऱ्हे हाय हाय', टायरवाल्या काकू, अशा जोरदार घोषणाबाजी करत नीलम गोऱ्हे यांच्या निवासस्थानाबाहेर ठाकरे सेनेच्या महिला कार्यकर्त्यांचे आंदोलन चालू आहे. तसेच नीलम गोऱ्हे यांच्या प्रतिमेला जोडे मारो आंदोलन सुरू आहे.

नीलम गोऱ्हेंनी 8 मर्सिडीज दाखवाव्या

नीलम गोऱ्हे यांच्या पुणे येथील निवसस्थानाबाहेर ठाकरे गटाच्या महिला आक्रमक झाल्याचे पाहायला मिळाले. नीलम नीलम गोऱ्हेंनी आता पर्यंत 4 वेळा आमदारकी भोगली तसेच विधापरिषदेच उपसभापती पद भोगले मग त्यांनी दिलेल्या 8 मर्सिडीज दाखवाव्या असे आव्हान ठाकरे गटाच्या महिलांनी केले आहे.

खोटे आरोप करणे यांचा उद्योग - किशोरी पेडणेकर

खोटे आरोप करणे यांचा उद्योग झाला आहे. तर काही नेत्यांना खुश करण्यासाठी असे वक्तव्य केले जातात त्यांनी तात्काळ माफी मागावी असे किशोरी पेडणेकर म्हणाल्या.