- हर्षदा सोनोने

Akola News : विविध मागण्यांच्या पुर्ततेसाठी आज (मंगळवार) तेल्हारा तहसील कार्यालयात उद्धव बाळासाहेब ठाकरे गटाच्या शिवसैनिकांनी डफडे बजाव आंदाेलन छेडले. यावेळी आंदाेलकांनी कार्यालयातच ठिय्या मांडला. कक्ष अधिकारी येईपर्यंत ठिय्या आंदाेलन सुरु राहणार असल्याचे आंदाेलकांनी स्पष्ट केले. (Maharashtra News)

या आंदाेलनाबाबत शिवसैनिक म्हणाले तालुक्यात बियाणांचा काळाबाजार सुरू आहे तसेच पेरणीच्या तोंडावर बियाण्यांचे भाव अव्वाच्या सव्वा करून टाकले आहेत. अतिवृष्टीमध्ये झालेल्या नुकसानाची भरपाई अद्यापपर्यंतही काही शेतकऱ्यांच्या खात्यात जमा झालेली नाही.

याबाबत वेळाेवेळी समस्या आणि मागणी करुन ही प्रशासन हालचाली करीत नसल्याने आज प्रशासनाला जागे करण्यासाठी तहसील कार्यालयावर डफडे बजाव आंदोलन (aandolan) छेडल्याचे शिवसैनिकांनी स्पष्ट केले.

दरम्यान उध्दव बाळासाहेब ठाकरे गटाच्या शिवसैनिकांनी तेल्हारा येथील तहसील कार्यालयापर्यंत माेर्चा काढत डफडे बजाव आंदोलन केले. त्यानंतर विविध मागण्यांच्या पुर्ततेसाठी घाेषणाबाजी केली. यावेळी आंदाेलनकांनी (akola) प्रशासनास मागण्यांचे निवेदन दिले.

Edited By : Siddharth Latkar