Shiv Pratishthan Hindustan News : शिवप्रतिष्ठान हिंदस्थान या संस्थेच्या वतीने काढण्यात येणा-या हिंदवी स्वराज्य स्वातंत्र्यदिन पदयात्रेला सांगली शहर पोलिसांनी अटी शर्तींवर परवानगी दिली आहे. या पदयात्रेत संघटनेचे प्रमुख संभाजी भिडे हे सहभागी हाेणार असल्याची माहिती शिवप्रतिष्ठानच्या वतीने हणमंत पवार यांनी दिली. (Sambhaji Bhide Latest Marathi News)

स्वातंत्र्यदिना निमित्त (independence day 2023) उद्या (मंगळवार) शिवप्रतिष्ठानच्या वतीने सांगली शहरातून पदयात्रा काढण्यात येणार आहे. या पदयात्रेस परवानगी देताना पाेलिसांनी धारक-यांना काही नियम घालून दिले आहेत. या नियमांचे उल्लंघन हाेऊ नये याची काळजी घ्यावी असेही पाेलिसांनी नमूद केले आहे.

ही पदयात्रा सकाळी 9 वाजता सुरु हाेईल. या पदयात्रेत संभाजी भिडे यांचीही उपस्थिती असणार आहे. पदयात्रेच्या अनुषंगाने पोलिसांनी शिवप्रतिष्ठानच्या धारकऱ्यांना नोटिसा बजावल्या आहेत. आक्षेपार्ह घोषणाबाजी आणि जातीय तेढ निर्माण होणार नाही याची खबरदारी घेण्याच्या सूचना पाेलिसांनी दिल्या आहेत.

Edited By : Siddharth Latkar