शिर्डी - साई बाबांच्या पुण्यतिथीचा आज मुख्य दिवस असून भिक्षा झोळीचा कार्यक्रम मोठ्या उत्सवात साजरा होताना पहायला मिळत आहे. १०३ वर्षांपूर्वी स्वतः साई बाबा वेगवेगळ्या घरी जाऊन भिक्षा मागत अन्न दान करत असे हीच प्रथा कायम ठेवत अन्नदानाचा संदेश देत साई संस्थांकडून भिक्षा झोळीची प्रथा सुरू ठेवली आहे.

हे देखील पहा -

आजच्या दसऱ्याच्या दिवशी साई बाबांनी अडीच वाजता द्वारकामाई मध्ये देह सोडला होता. त्यामुळे उत्सवाचा आजचा महत्वाचा दिवस मानला जातो भिक्षा झोळी मध्ये जमा झालेले धान्य साई बाबांच्या भोजनालय मध्ये देऊन अन्न दान केले जात आहे.

मात्र गेल्या दोन वर्षांपासून कोरोनाचे सावट असल्याने प्रतीकात्मक स्वरूपात भिक्षा झोळीचा कार्यक्रम साई संस्थांकडून साजरा करण्यात येत आहे. साई मंदिर परिसरामध्ये भिक्षा घेण्याकरिता  साई संस्थानच्या वतीने ठिकठिकाणी स्टॉल उभे करून साई भक्तांकडून भिक्षा घेण्यात येते आहे.

Edited By - Shivani Tichkule