- सचिन बनसाेडे

Shirdi News: येत्या ३० मार्चला रामनवमी (ram navmi 2023 latest news) माेठ्या उत्साहात साजरी करण्यासाठी देशभरात तयारी सुरु आहे. महाराष्ट्रात देखील विविध संस्था, मंडळे तसेच मंदिरात रामनवमी निमित्त आठवडाभरापासून धार्मिक, सामाजिक उपक्रम सुरु आहेत. रामनवमी निमित्त शिर्डीतील साई मंदिरात (shirdi sai baba mandir) तीन दिवस विविध धार्मिक कार्यक्रम आयाेजिले आहेत (Maharashtra News)

साई भक्तांसाठी मोठी बातमी आहे. ३० मार्च रोजी साई मंदिर दर्शनासाठी रात्रभर खुले राहाणार आहे. उद्यापासून शिर्डीत तीन दिवसीय रामनवमी उत्सवाची सुरुवात होत आहे. ३० मार्च रोजी उत्सवाचा मुख्य दिवस असल्याने संभाव्य गर्दी लक्षात घेता मंदिर दर्शनासाठी रात्रभर खुले ठेवण्याचा निर्णय साईबाबा संस्थानने घेतला आहे.

त्यामुळे ३० मार्च रोजी नित्‍याची शेजारती तसेच ३१ मार्च रोजीची पहाटेची काकड आरती होणार नसल्याचं देखील साई संस्थानकडून सांगण्यात आलंय. या तीन दिवसीय रामनवमी उत्सवासाठी राज्यभरातून शेकडो पालख्यांसह दरवर्षी लाखो साई बाबा यांचे भक्त शिर्डीत दाखल होतात. उत्सवादरम्यान विविध धार्मिक कार्यक्रम देखील हाेणार आहेत. यंदाच्या रामनवमी उत्सवाची तयारी अंतिम टप्प्यात आली आहे.

Edited By : Siddharth Latkar