सचिन बनसोडे

शिर्डी (अहमदनगर) : शिर्डीच्‍या साईबाबांच्‍या दर्शनासाठी रोज हजारो भक्‍त (Shirdi) येत असतात. यात साई दर्शनासाठी (Sai Baba) येत असलेले काही भाविक हे आरतीसाठी इच्‍छुक असतात. याकरीता त्‍यांना पास काढावी लागत होती. याकरीता शिफारस असली तर पास लवकर मिळत होती. मात्र आता ही पास थेट दिली जाणार असल्‍याचा निर्णय साई संस्‍थानने घेतला आहे. (Breaking Marathi News)

शिर्डीच्‍या साईबाबांचे दर्शन घ्यायला रोज हजारो भाविक येत असतात. साईबाबांची सकाळी व सायंकाळी होत असलेल्‍या आरतीला भाविकांना आत प्रवेश दिला जातो. याकरीता पास आवश्‍यक असते. मात्र ज्‍यांचा वशिला असला त्‍यांना ही पास लवकर मिळत होती. यात काळाबाजार देखील होत होता. मात्र साईभक्तांना आता आरतीची पास काढण्यासाठी शिफारशीची गरज नाही. थेट पास काऊंटरवरच भाविकांना पास मिळणार आहे. पासचा काळाबाजार रोखण्यासाठी शिर्डीच्या साई संस्थानचा (Sai Sansthan) मोठा निर्णय घेतला आहे.

मंदिरात प्रवेशासाठी आधारकार्ड

साई संस्थान आणि शिर्डी ग्रामस्थांची बैठक झाली. या बैठकीत साई संस्थानने मोठे निर्णय घेतले आहेत. यात मोबाईल बंदीचा निर्णय अधिक कठोर करणार असून साई संस्थानच्या कर्मचाऱ्यांना ऑनड्युटी मोबाईल वापरास बंदी केली आहे. तर शिर्डी ग्रामस्थांना केवळ ३ नंबर गेटमधून प्रवेश मिळणार असून ग्रामस्थांना साई मंदिरात प्रवेशासाठी आधारकार्ड बंधनकारक केले आहे.