Sangli News : दाेन हजार रुपयांच्या बनावट नाेटा प्रकरणी सांगली जिल्ह्यात एका महिलेस पाेलिसांनी अटक केली आहे. संबंधित महिलेची पाेलिस कसून चाैकशी करीत आहेत. शिराळा पाेलिसांकडून बनावट नाेटांचे रॅकेट उघडकीस येण्याची शक्यता वर्तवली जात आहे. (Maharashtra News)

सांगली जिल्ह्यातील शिराळा शहरातील आयसीआयसीआय बँकेत एक महिला काल दोन हजार रुपयांच्या नोटा जमा करण्यासाठी गेली होती. त्यावेळी महिलेने जमा केलेल्या नोटांमध्ये बॅंक कर्मचा-यांना तब्बल 13 बनावट नोटा आढळून आल्या.

याबाबतची माहिती तातडीने बँकेच्या अधिकार्‍यांनी पोलिसांनी कळवली. त्यानंतर बॅंक अधिका-यांनी संबंधित महिलेच्या विराेधात तक्रार दिली. त्यानुसार शिराळा पोलिसांनी संबंधित महिलेला अटक केली. तिच्याकडे दोन हजार रुपयांच्या 13 बनावट नोटा कोठून आल्या याबाबतचा तपास शिराळा (shirala) पोलिस करीत आहेत.

Edited By : Siddharth Latkar