नवनीत तापडिया

sanjay shirsat News : अहमदनगरमध्ये अजित पवार यांनी मंत्रिमंडळ विस्तारावरून अनेक आमदार कोट शिवून तयार आहेत असा टोला शिंदे फडणवीस सरकारला लगावला होता. यावर आता शिंदे गटाचे आमदार संजय शिरसाट यांनी प्रत्युत्तर दिलं आहे. त्याचबरोबर अजित पवारांचे संबंध सर्वांशीच चांगले आहेत. मंत्रिमंडळ विस्तारासाठी अजित पवारांनीच पुढाकार घ्यावा, असाही टोला संजय शिरसाट यांनी लगावला आहे. (Latest Marathi News)

संजय शिरसाट (Sanjay Shirsat) यांनी अजित पवार यांना प्रत्युत्तर देताना म्हणाले, 'अजित पवार हे मुरब्बी राजकारणी आहेत. त्यांना कुठे काय बोलावं हे निश्चित कळतं. त्यांनी आमची सर्वांची चिंता केली त्याबद्दल त्यांचे मनापासून आभार. अजित पवार यांचे संबंध मुख्यमंत्री एकनाथ शिंदे , उपमुख्यमंत्री देवेंद्र फडणवीस या सर्वांशी चांगले आहेत. त्यामुळे अजित पवार यांनी पुढाकार घ्यावा'.

'काही गोष्टी तुम्हालाही माहीत आहे. त्या काळानुसार आणि वेळेनुसार केल्या जातात. ती वेळ आतापर्यंत आली नसेल. म्हणून हा मंत्रिमंडळ विस्तार थांबलेला आहे. योग्य निर्णय एकनाथ शिंदे आणि देवेंद्र फडणवीस घेतली. हा महाराष्ट्र आपल्या मनातील पाहील, असे म्हणत शिंदे गटाटे आमदार संजय शिरसाट यांनी अजित पवार यांना प्रत्युत्तर दिलं आहे.

काय म्हणाले होते अजित पवार ?

अजित पवार (Ajit Pawar) म्हणाले होते की, महिलांना मंत्रिमंडळात ५० टक्के आरक्षण आहे. परंतु या राज्य सरकारला एकही मंत्रिमंडळात स्थान देता आले नाही. प्रत्येक आमदार मंत्री होण्यासाठी नवस बोलत आहे. अनेकांनी नवीन कोट शिवून ठेवले आहेत. परंतु मंत्रिपदासाठी शपथ घेण्याचे येत नसल्याने बिचारे हतबल झाले आहेत'.