Shambhuraj Desai News : शिंदे फडणवीस सरकार मधील आमदार नाराज असल्याचं विधान राष्ट्रवादीचे नेते जयंत पाटील (jayant patil) यांनी केल्यानंतर महाराष्ट्रात (maharashtra) राजकीय चर्चांना उधाण आलं‌ आहे. जयंत पाटलांच्या भविष्यवाणीवर राज्याचे उत्पादन शुल्क मंत्री शंभुराज देसाई (shambhuraj desai) यांना छेडलं‌ असता जयंत पाटील मनकवडे आहेत का असा सवाल करीत त्यांना नव ज्ञान प्राप्त झालं आहे का असा टाेला देसाईंनी लगावला.

मंत्री देसाई म्हणाले आम्ही शिंदे साहेबांच्या नेतृत्वाखाली काम करण्याचं ठरवलं आहे. आमचं काम चांगलं सुरु आहे. काेणीही नाराज नाही. जयंत पाटील हे मनकवडे आहेत का. त्यांना आता नवं ज्ञान निर्माण झालं आहे का. त्यांच्या पक्षात असलेल्या लोकांना आमच्याकडं येण्यापासुन थांबवुन ठेवण्यासाठी ते अशी विधान करत आहेत असेही देसाईंनी नमूद केले.

दसरा मेळाव्याची जय्यत तयारी सुरु

यंदाचा दसरा मेळावा माेठ्या स्वरुपात करण्याचे नियाेजन केले आहे. त्यासाठी आम्ही विविध जिल्ह्याचे दाैरे करीत आहाेत असे मंत्री देसाईंनी नमूद केले. ते म्हणाले आजपर्यंत मेळावा झाला नाही असा दसरा मेळावा यंदा हाेईल. शिवसेनेचे मुख्य नेते मुख्यमंत्री एकनाथ शिंदे यांच्या मार्गदर्शनाखाली मेळाव्याचे नियाेजन सुरु आहे. मी व अनिल बाबर हे विविध जिल्ह्यात दाैरे करीत आहाेत. सातारा येथे देखील माेठा उत्साह असल्याचे मंत्री देसाईंनी स्पष्ट केलं.

Edited By : Siddharth Latkar