कैलास चौधरी

उस्मानाबाद : संस्थाचालकांकडून कर्मचाऱ्यांची होणारी पिळवणूक आणि खाजगी कामासाठी होणारा वापर काही नवीन नाही. उस्मानाबादमध्ये असाच एक संतापजनक प्रकार समोर आला असून संस्थाचालकाने शाळेतील शिपायांमार्फत शेतात कामे करून घेतानाचा व्हिडीओ समोर आला आहे.

हे देखील पहा -

या व्हिडिओत उस्मानाबाद तालुक्यातील घाटंग्री येथील वसंतराव नाईक यांच्या नावे सुरू करण्यात आलेल्या शाळेतील शिपाई पदावरील कर्मचारी संस्थाचालकांच्या शेतात कांदा लागवड करत असल्याचे दिसून येत आहे.

हा व्हिडीओ व्हायरल झाल्यानंतर या संचालकाविरुद्ध या प्रकरणी तक्रार देण्यात आली आहे. घाटंग्री येथे आदर्श शिक्षण प्रसारक मंडळ संचलित विद्याधन प्राथमिक आणि माध्यमिक शाळा आहे. हि शाळा भटक्या विमुक्त प्रवर्गातील विद्यार्थ्यांसाठी असून वसतिगृह देखील येथे आहे.

या शाळेचे गुलाब जाधव हे संस्था चालक आहेत. कोरोनामुळे शाळा बंद असली तरी कर्मचारी आणि शिक्षक यांना दररोज शाळेत यावे लागत असून या प्रकरणी गावातील अरविंद राठोड यांनी हा व्हिडिओ काढत जिल्हाधिकारी यांना तक्रार दिली असून संस्था चालकाविरुद्ध कारवाई करण्याची मागणी केली आहे.

Edited By : Krushnarav Sathe