गोंदिया : स्टेअरिंग लॉक झाल्याने गोंदिया येथील एका शाळेच्या (school) बसच्या आज सकाळच्या सुमारास अपघात झाला. सुदैवाने विद्यार्थ्यांना शाळेत साेडल्यानंतर हा अपघात झाल्याने माेठं संकट टळलं. या अपघातात बस चालक जखमी झाला आहे. (Gondia School Bus Accident News)

या अपघाताबद्दल मिळालेल्या प्राथमिक माहितीनूसार राणीअंतीबाई चौकातील एका शाळेत तेरा मुलांना साेडल्यानंतर बस परतीच्या मार्गावर हाेती. गोंदिया येथील रिंग रोड बायपासच्या पुल उतरताना बसचे स्टेअरिंग लाॅक झाले.

त्यामुळे बसचा अपघात झाला. ही बस पुलावरुन तीस फुट खाली कोसळली. चालका व्यक्तरिक्त बसमध्ये काेणीही नव्हते. त्यामुळं माेठं संकट टळलं. या अपघातात चालक जखमी झाला आहे.

Edited By : Siddharth Latkar