सांगली - मिरज कुरणे मळा सिध्येवाडी येथे स्कूल बस पलटी झाल्याची घटना घडली आहे. आज सकाळच्या सुमारास ही घटना घडली असल्याची माहिती समोर आली आहे. भोसे गावातील अंदाजे 25 ते 30 विद्यार्थी या स्कूल बस मध्ये होते. चालकाचे स्कूल बस वरील नियंत्रण सुटल्याने बस रस्त्याच्या कडेला असलेल्या शेतात पलटी झाली. या अपघात 7 ते 8 विद्यार्थी जखमी झालेले आहेत असून त्यांच्यावर शासकीय रुग्णालयात (Hospital) उपचार सुरु आहेत.

हे देखील पाहा -

या अपघातात मयूर गुरव, संभव चावला, श्रद्धा पाटील, हर्षद पाटील यांच्यासह अन्य विद्यार्थी जखमी झाले आहेत. जखमी विद्यार्थ्यांना मिरज येथील शासकीय रुग्णालयात उपचारासाठी दाखल करण्यात आले आहे. अपघातानंतर घटनास्थळावरून चालक गायब झाला आहे. चालक मद्यधुंद अवस्थेत होता असे प्रथमदर्शनी नागरिकांनी सांगितले. शाळा प्रशासनाने या पुढे आशा दुर्घटना घडू नयेत आणि जखमी विद्यार्थ्यांना न्याय द्यावा अशी मागणी पालकांकडून केली जात आहे.