तबरेज शेख, साम टीव्ही
Satyajeet Tambe Latest News : नाशिक शिक्षक-पदवीधर मतदारसंघाच्या निवडणुकीची मतमोजणी सुरू आहे. आतापर्यंत मतमोजणीच्या चार फेऱ्या पूर्ण झाल्या असून मतमोजणीत अपक्ष उमेदवार सत्यजित तांबे आघाडीवर आहेत. त्यांनी महाविकास आघाडीच्या उमेदवार शुभांगी पाटील यांना तब्बल १५ हजारांहून अधिक मताधिक्याने पिछाडीवर सोडलं आहे. दरम्यान, अचानक नॉट रिचेबल झालेले सत्यजित तांबे हे सायंकाळी माध्यमांसमोर आले. (Maharashtra Political News)
यावेळी त्यांनी आपण विजयाच्या अगदी जवळ आहोत, पण विजयोत्सव साजरा करणार नाही, असं सांगितलं. माझा मित्र मानस पगार आज आपल्यातून गेलाय. त्यामुळे कोणताही आनंदोत्सव साजरा करणार नाही. सर्व सहकाऱ्यांना विनंती आहे, कृपया संयम राखावा. मी ३ ते ७ फेब्रुवारीला संगमनेर येथे सर्वांना भेटणार आहे, कुणीही घाई करू नये असं आवाहन केलं. (Latest Marathi News)
नाशिक पदवीधर निवडणुकीत झालेल्या घडामोडींमुळे ही निवडणूक राज्यभर चर्चेत राहिली आहे. आज या निवडणुकीचा निकाल लागणार असून मतमोजणी सुरू आहे. आतापर्यंत मतमोजणीच्या चार फेऱ्या पूर्ण झाल्या असून यामध्ये सत्यजित तांबेंनी मोठी आघाडी घेतली आहे. (Tajya Batmya)
मात्र, या निवडणुकीतील निकालापूर्वीच सत्यजित तांबे यांना मोठा धक्का बसला आहे. त्यांचे अत्यंत जवळचे सहकारी म्हणून ओळखले जाणारे मानस पगार यांचे अपघाती निधन झाले आहेत. आज निवडणुकीचा निकाल असल्याने मानस पगार आणि त्यांच्यासोबत काही सहकारी नाशिक येथे जात असताना हा अपघात झाला.
नाशिकमधील लोकमान्य रुग्णालयात त्यांना उपचारासाठी दाखल करण्यात आले. मात्र मानस यांना डॉक्टरांनी मृत घोषित केले. मानस पगार हे काँग्रेस पक्षाचे नाशिकचे युवक जिल्हाध्यक्ष होते. पगार हे सोशल मीडियावर ऍक्टिव्ह असल्याने काँग्रेसची भूमिका अत्यंत आक्रमकपणे मांडत असतं. त्यामुळे पक्षाने त्यांच्या कामाची दखल घेत त्यांच्यावर युवक काँग्रेसच्या जिल्हाध्यक्षपदाची जबाबदारी सोपवली होती.
सत्यजित तांबेंनी व्यक्त केलं दु:ख
दरम्यान, अत्यंत जवळच्या मित्राचं निधन झाल्यानंतर आज सत्यजित तांबे यांनी मानस पगार यांच्या कुटुंबीयांची भेट घेतली. त्यानंतर त्यांनी माध्यमांशी संवाद साधला. आपण विजयाच्या अगदी जवळ आहोत, पण विजयोत्सव साजरा करणार नाही, असं तांबे म्हणाले. माझा मित्र मानस पगार आज आपल्यातून गेलाय. त्यामुळे कोणताही आनंदोत्सव साजरा करणार नाही, असं तांबेंनी स्पष्ट केलं आहे.
Edited By - Satish Daud
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.