सातारा : मनाली येथे प्रशिक्षणासाठी गेलेल्या साताऱ्यातील (satara) ट्रेकर्सच्या खासगी बसला हिमाचल प्रदेश येथील मंडी येथे झालेल्या अपघातात (accident) सातारा जिल्ह्यातील सहा युवक (youth) जखमी (injured) झाले आहेत. दरम्यान या अपघातात बस चालक गंभीर जखमी झाला आहे. (himachal pradesh accident latest marathi news)

याबाबत अधिक माहिती अशी : महाबळेश्वर ट्रेकर्सचे (mahableshwar trekkers) सहा आणि आमदार छत्रपती शिवेंद्रसिंहराजे भोसले (shivendraraje bhosale) रेसक्यू टीमचे सहा आणि इतरत्र ठिकाणचे असे मिळून 51 जण अभ्यास दौऱ्यासाठी हिमाचल प्रदेश (himachal pradesh) येथे गेले होते.

हा अभ्यास दौरा संपल्यानंतर साता-याला परत येत असताना मंडी येथे एक खासगी बस आणि ट्रेकर्सच्या बसचा समोरासमोर अपघात झाला. यामध्ये काही जण किरकोळ जखमी झाले. या अपघातात चालक गंभीर जखमी झाला आहे.

दरम्यान या अपघातास सातारा जिल्हा परिषदमधील कर्मचारी देखील सामाेरे गेले. या सर्व कर्मचा-यांना अपघातस्थळावरुन अन्य वाहनाने आणण्यात येत आहे. आज (साेमवार) सायंकाळी हे सर्व जण दिल्लीत येतील.

या अपघातात जखमी झालेला चालक हा मंडी येथील असून ताे गंभीर जखमी झाला आहे. हे सर्व प्रवासी आठ जून पर्यत साताऱ्यात दाखल हाेतील अशी माहिती जिल्हा परिषदेचे मुख्य कार्यकारी अधिकारी विनय गौडा यांनी माध्यमांशी बाेलताना दिली.

Edited By : Siddharth Latkar