- विनायक वंजारे

Sindhudurg News : कर देण्या-घेण्याच्या वादातून साता-यातील एका महिलांच्या ग्रुपची आणि मालवण (malvan) येथील स्थानिक महिलेची शुक्रवारी मारामारी झाला. दाेन्हीकडून केस धरुन एकमेंकांना मारहण करण्यात आली. हे प्रकरण पाेलिसांपर्यंत गेल्यानंतर साता-याची (satara) महिलांना नमते घेत मालवणातील कर आकारणी करणा-या महिलांची माफी मागितली. या मारामारीचा व्हिडिओ समाज माध्यमातून व्हायरल (viral) हाेत आहे.

घटनास्थळावरुन आणि पाेलिसांकडून मिळालेल्या माहितीनूसार मालवणात सातारा येथून आलेल्या महिला पर्यटकांची आणि किल्ले सिंधुदुर्ग (sindhudurg) येथे पर्यटन कर घेणाऱ्या महिला कर्मचाऱ्यांची हाणामारी झाली. किल्ले सिंधुदुर्ग येथे पर्यटनासाठी साताऱ्यावरून एक ग्रुप आला होता. यावेळी त्या ग्रुपमधील महिला पर्यटकांनी कर देण्यास नकार दिला व कर आकारणाऱ्या महिला कर्मचाऱ्यांशी हुज्जत घातली.

त्यानंतर दाेन्हीकडून एकमेंकांना मारहाण करण्यास प्रारंभ झाला. साता-याच्या महिला पर्यटकांनी कर वसूल करणा-या महिला कर्मचाऱ्यांना मारहाण केली व निघून गेल्या. या घटनेनंतर सातारा (satara) येथील पर्यटक किल्ले सिंधुदुर्गचे पर्यटन करून परतल्यानंतर महिला पर्यटक व महिला कर्मचाऱ्यांमध्ये पुन्हा हाणामारी झाली. (Maharashtra News)

यानंतर हा वाद मालवण पोलीस स्थानकात पोचला. मालवण पोलीस (police) स्थानकात सातारा येथील महिला पर्यटकांनी त्या महिलांची माफी मागितल्यानंतर या प्रकरणावर पडदा पडला. दरम्यान सिंधुदुर्ग किल्ल्यावर पर्यटनासाठी येत असलेल्यांकडून माणशी ५ रुपये कर आकारला जाताे. वायरी भूतनाथ ग्रामपंचायतीच्या वतीने हा कर आकारला जाताे. शुक्रवारी झालेल्या वादानंतर हे प्रकरणावर माफीनाम्याने मिटले असेल तरी बेशिस्त पर्यटकांना आवर घालायचा कसा ? असा प्रश्न उपस्थित करण्यात येत आहे.

Edited By : Siddharth Latkar