Satara Pune Highway : पुणे कात्रज- शिंदेवाडी रस्ता राज्य मार्ग (जुना कात्रज घाट) रस्त्याच्या डांबरी पृष्ठभागाचे मजबुतीकरणाचे काम सुरु असल्याने एकेरी वाहतूक करण्याचे आदेश जिल्हाधिकारी डॉ. राजेश देशमुख (rajesh deshmukh) यांनी जारी केले आहेत. त्याची अंमलबजावणी आजपासून (ता. तीन डिसेंबर) करण्याचा आदेश पारित केला आहे.

पुणे जिल्हाधिकारी राजेश देशमुख यांच्या आदेशानूसार आजपासून (ता. तीन) ३१ डिसेंबरपर्यंत सातारा (satara) ते पुणे (pune) जुना कात्रज घाट (katraj tunnel) रस्त्यावरील वाहतूक बंद (Traffic in old Katraj ghat road diverted from Dec 3) करुन वाहतूक नवीन बोगद्यातून पुण्याकडे वळविण्यात येणार आहे. जुना कात्रज घाट रस्त्याच्या डांबरी पृष्ठभागाचे मजबुतीकरणाचे काम सुरु असल्याने दुहेरी वाहतुकीमुळे वाहतूक कोंडी व अपघाताच्या शक्यता लक्षात घेऊन या उपाययोजना करण्यात आल्या आहेत.

त्यानुसार आजपासून ३१ डिसेंबर पर्यंत या रस्त्यावर एकेरी वाहतूक करुन साताराकडून येणारी वाहतूक नवीन बोगद्यातून दरीपूल मार्गे पुण्याकडे (pune) वळविण्यात येणार आहे. पुणे मोटार वाहन कायदा १९८८ चे कलम ११५ मधील तरतूदीनुसार व गृह विभागाचे १९ मे १९९० च्या अधिसूचनेनुसार जिल्हाधिकारी डॉ. देशमुख यांनी हे आदेश जारी केले आहेत.

Edited By : Siddharth Latkar