Udayanraje Bhosale Latest News : जे लोक तंबी देण्याचं काम करत आहेत, जर तुम्हाला तुमचं हित कळत असेल तर वाकड्या नजरेने बघू नका असा खणखणीत इशारा खासदार उदयनराजे भाेसले (udayanraje bhosale) यांनी आमदार शिवेंद्रसिंहराजे भाेसले (shivendraraje bhosale) यांचा नामाेल्लेख टाळत परळी भागातील सर्वच विराेधकांना रविवारी दिला. उदयनराजेंनी नुकताच परळी दाैरा केला. त्यावेळी कार्यकर्त्यांना संबाेधित करताना त्यांनी मनाेमिलन केल्याची चूक झाल्याचेही म्हटलं. (Breaking Marathi News)

खासदार उदयनराजे भोसले यांची आंबळे येथे सभा पार पडली. या सभेत उदयनराजे म्हणाले जे लोक तंबी देण्याचं काम करत आहेत जर तुम्हाला तुमचं हित कळत असेल तर वाकड्या नजरेने बघू नका. काही लोकांना असं वाटतं की हा भाग हा परिसर म्हणजे माझा आहे. मला हसु येते असे म्हणत साक्षात छत्रपती शिवाजी महाराजांनी सुध्दा मनात कधी असं मनात आले नसेल की हे माझं, ते माझं.

छत्रपती शिवाजी महाराज नेहमी म्हणायचे समाजामुळे मी आहे , माझ्यामुळे समाज नाही असं म्हणत नाव न घेता उदयनराजे यांनी आमदार शिवेंद्रसिंहराजे यांच्यावर निशाणा साधला. यावेळी त्यांनी एक चुक झाली 2012 साली की मी प्रचाराला गेलो, मनोमिलन होते असे सांगत. स्वार्थ साधला गेला की काही लोक जसा सरडा रंग बदलतो तशी काही लोकांची खासियत असते असंही उदयनराजेंनी नमूद केले.

Edited By : Siddharth Latkar