Satara Political News : पालिका निवडणुक आली की सातारकरांना मिठ्या मारणे, पप्प्या घेणे असे प्रकार पुन्हा साता-यात सुरु हाेतील. त्यावेळी सातारकरांना हे आम्ही कशी पालिका चांगली चालवली हे सांगतील आणि पुन्हा निवडून द्या म्हणतील. परंतु सध्याच्या मुलभुत प्रश्नांकडे जाणिवपुर्वक सातारा विकास आघाडी आणि त्यांचे नेते देत नसल्याची टीका आमदार शिवेंद्रसिंहराजे भाेसले (shivendraraje bhosale) यांनी खासदार उदयनराजे भाेसले (udayanraje bhosale) यांच्यावर केली.

येथील जिल्हाधिकारी कार्यालयाच्या आवारात आमदार शिवेंद्रसिंहराजे भाेसले माध्यमांशी बाेलत हाेते. ते म्हणाले सातारा पालिकेत सध्या प्रशासक आहे. परंतु सत्तेत असलेली सातारा विकास आघाडी सध्या काेणत्याही मुलभूत प्रश्नांकडे लक्ष देत नाहीये. (Maharashtra News)

शाहूनगर भागातील स्वच्छतेचे काम काेणाला द्यायचे त्यावरुन त्यांचे ठरत नसल्याचे आमदार भाेसले यांनी नमूद केले. दरम्यान आमदार भाेसले यांच्या टीकेस आता खासदार उदयनराजे भाेसले अथवा त्यांची सातारा विकास आघाडी काय उत्तर देणार हे पाहावे लागणार आहे.

Edited By : Siddharth Latkar