सातारा : वाई तालुक्यातील सिद्धनाथवाडी परिसरातील एका अल्पवयीन युवकाचा रात्री अज्ञाताने धारदार शास्त्राने वार करून (Crime News) खून केला. ही घटना आज सकाळी उघडकीस आली आहे. (Maharashtra News)

न्यास शिवाजी खरात (वय १७) असे मृत युवकाचे नाव आहे. न्यास खरात हा शिरवळ येथील महाविद्यालयात बारावीत (Satara) शिकत होता. बुधवारी दुपारपासून तो घरातून कामानिमित्त बाहेर जातो असे सांगून गेला. तेव्हापासून तो घरी न आल्यामुळे रात्री नातेवाईकांनी याबाबत पोलिसांना माहिती दिली. त्याच्या फोनच्या लोकेशनच्या आधारे पोलिसांनी (Police) रात्री सिद्धनाथवाडी परिसरात शोध घेतला. परंतु त्याचा शोध लागत नव्हता.(Satara Crime News)

सकाळी सापडला मृतदेह

आज सकाळी त्याचा मृतदेह धोम कालव्यालगत एका शेताच्या बांधावर झाडीत आढळून आला. त्याच्या डोक्यावर आणि शरीरावर अनेक वार करण्यात आले होते. ही बातमी पसरताच सिद्धनाथवाडी ग्रामस्थांनी परिसरात गर्दी केली.