सातारा जिल्ह्यातील कोरेगाव तालुक्यात आज सोमवारी पहाटे साडेतीन वाजेच्या सुमारास भीषण अपघात झाला. भरधाव वेगात जाणाऱ्या ट्रकने आयशर टेम्पोला जोरदार धडक दिली. अपघात इतका भीषण होता, की दोन्ही वाहनांनी पेट घेतला. या घटनेत दोघांचा जागीच मृत्यू तर दोघे गंभीर जखमी झाले.

अपघाताची (Accident News) माहिती मिळताच पोलिसांनी तातडीने घटनास्थळी धाव घेतली. जखमींना उपचारासाठी जिल्हा शासकीय रुग्णालयात दाखल करण्यात आलंय. यातील एकाची प्रकृती चिंताजनक असल्याचं बोललं जातंय. मृतांची नावे अद्याप समोर आलेली नाही.

घटनास्थळावरून मिळालेल्या माहितीनुसार, कोरेगाव तालुक्यातील (Satara News) अंबवडे संमत वाघोली येथे हा अपघात झाला. भरधाव कंटेनगर समोरून येणाऱ्या आयशर टेम्पोला धडकला. अपघात इतका भीषण होता, की कंटेनरने पेट घेतला. तर आशयरच्या समोरील भागाचा देखील चक्काचूर झाला.

या अपघातात कंटेनरमधील एकाचा घटनास्थळीच आगीत होरपळून मृत्यू झाला. तर दुसऱ्याचा रुग्णालयात उपचारादरम्यान मृत्यू झाला. अपघातात इतर दोघे गंभीर जखमी झाले. दरम्यान, अपघाताची माहिती मिळताच स्थानिक पोलिसांनी घटनास्थळी धाव घेतली.

त्यांनी आगीची माहिती अग्निशमन विभागाला दिली. धक्कादायक बाब म्हणजे तब्बल दोन तासांनंतर अग्निशमन दलाचे जवान घटनास्थळी दाखल झाले. अथक प्रयत्नानंतर आग आटोक्यात आली. अपघातातील जखमींना उपचारासाठी रुग्णालयात दाखल करण्यात आलंय आहे. अपघाताचा पुढील तपास पोलीस करीत आहेत.

Edited by - Satish Daud