ओंकार कदम
सातारा : महाराष्ट्रमध्ये स्वाभिमान शेतकरी संघटनेच्या वतीने राज्यव्यापी चक्काजाम आंदोलन सुरू आहे. दरम्यान (Satara) सातारा जिल्ह्यात देखील या आंदोलनाचे पडसाद पाहायला मिळत आहेत. सातारा कोरेगाव रस्त्यावर (Swabhimani Shetkari Sanghatana) स्वाभिमानी शेतकरी संघटना सातारा जिल्हा यांच्यावतीने चक्काजाम आंदोलन करण्यात आले आहे. (latest Marathi News)

मागील हंगामातील तुटलेल्या उसाचा दुसरा हप्ता ४०० रुपये द्यावा आणि यंदाच्या गाळप होणाऱ्या उसाला पहिली उचल ३५०० रूपये द्या, या मागणीसाठी स्वाभिमानी शेतकरी संघटनेच्यावतीने सांगली व कोल्हापूर जिल्ह्यासह राज्यातील संपूर्ण ऊस पट्ट्यामध्ये आज चक्का जाम आंदोलन सुरू करण्यात आलं आहे. त्यानुसार सातारा जिल्ह्यात देखील चक्काजाम आंदोलन करण्यात आले. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

दरम्यान जिल्हाध्यक्ष राजू शेळके यांनी बोलताना (Farmer) मागील हंगामातील ४०० रूपायांचा हिशोब करुन परतावा मिळावा, यासाठी चक्का जाम आंदोलन करण्यात आले आहे. तसेच जोपर्यंत आमची मागणी पूर्ण होत नाही; तोपर्यंत आम्ही आंदोलन करत रंगणार आणि हा अंतिम इशारा आहे. जर यावर लवकरात लवकर कार्यवाही झाली नाही तर याचा पेक्षा जास्त तीव्र आंदोलन छेडण्याचा इशारा राजू शेळके यांनी कारखानदार आणि प्रशासनाला दिला.