सातारा - शिवसेना (Shivsena) युवासेना प्रमुख आदित्य ठाकरे (Aditya Thackeray) यांनी आज सातारा जिल्ह्यातील मल्हारपेठ येथे निष्ठा यात्रा काढून शिवसेनिकांची मने जिंकली. शिवसेना सातारा जिल्हा प्रमुख हर्षद कदम यांनी या निष्ठा यात्रेचे नियोजन केले होते यावेळी हजारो शिवसैनिक उपस्थित होते त्या मध्ये शिवसैनिकांमध्ये अभूतपूर्व उत्साह पाहायला मिळत होता.

हे देखील पाहा -

पाटण हा माजी गृहराज्यमंत्री आणि सद्या शिंदे गटात असणारे शंभूराज देसाई यांच्या मतदार संघातील या यात्रेला कसा प्रतिसाद मिळणार याकडे सगळ्यांचे लक्ष लागून राहिले होते. परंतु आज उत्स्फूर्त गर्दी पाहायला मिळाली. शिवसेनेचा सातारा जिल्ह्यातील झंझावात आज आणखी एकदा पाहायला मिळाला.

शिवसेना युवासेना प्रमुख माजी मंत्री आमदार आदित्य ठाकरे यांनी आज सातारा जिल्ह्यातील पाटण विधानसभा मतदारसंघातील मल्हारपेठ येथे निष्ठा यात्रा काढली आदित्य ठाकरे यांचे सातारा जिल्हाप्रमुख हर्षद कदम यांच्या नेतृत्वाखाली जोरदार स्वागत करण्यात आले. यावेळी हजारो शिवसैनिक उपस्थित होते. निसरे फाटा ते मल्हारपेठ दरम्यान भव्य मोटरसायकल रॅली काढत शिवसेनेच्या घोषणा देत कोण आला रे कोण आला शिवसेनेचा वाघ आला अशा घोषणा देण्यात आल्या यावेळी हजारो शिवसैनिक व पाटण विधानसभा मतदारसंघातील नागरिकांची उपस्थिती होती.