सातारा : साताऱ्यातील कराड शहरात वर्चस्व वादातून एका २२ वर्षीय तरुणाला बेदम मारहाण करण्यात आल्याची धक्कादायक घटना घडली आहे. सोशल मीडियावरील वादावरून एका तरुणाला ८ ते १० जण्यांच्या टोळक्याकडून जबर मारहाण करण्यात आली आहे. कारमध्ये डांबून सदर तरुणाला मारलं आहे. या घटनेमुळे शहरात तणावाचं वातावरण पसरलं आहे.

मारहाणीतील जखमी तरुणावर रूग्णालयात उपचार सुरू आहेत. पोलिसांकडून मारहाण झालेल्या ठिकाणाचे सीसीटीव्ही फुटेज तपासण्याचे काम सध्या सुरू आहे. जमावाकडून कोल्हापूर नाका येथील एका बारवरही दडगफेक करण्यात आली आहे. कराड शहर पोलीस ठाण्यात सातारा एसपी समीर शेख, अप्पर पोलीस अधीक्षक वैशाली कडूकर ठाण मांडून असून डीवायएसपी अमोल ठाकूर, वरिष्ठ पोलीस निरीक्षक राजू ताशिलदार यांच्यासह मोठा पोलीस फौजफाटा संशयितांची धरपकड करत आहेत.

दरम्यान, 'किंग ऑफ कराड' या इन्स्टाग्रामवरील पोस्टवरुन ही मारामारी झाल्याची माहिती मिळाली आहे. पोलिसांकडून शहरात संशयितांची धरपकड सुरु असून मारामारी प्रकरणात जवळपास २० जणांना पोलिसांनी ताब्यात घेतलं आहे.