सातारा : सातारा जिल्हा मध्यवर्ती सहकारी बँकेच्या प्रगतीत सर्वांनी माेलाचा वाटा उचलावा असे आवाहन ज्येष्ठ नेते रामराजे नाईक निंबाळकर यांनी नमूद केले. सातारा जिल्हा मध्यवर्ती सहकारी बँकेचे (dcc bank) नूतन अध्यक्ष नितीन पाटील आणि उपाध्यक्ष अनिल देसाई यांचे नूतन संचालक मंडळाने अभिनंदन केले. त्यावेळी ज्येष्ठ नेते रामराजे नाईक निंबाळकर ramaje naik nimbalkar बाेलत हाेते. satara dcc bank latest news

रामराजे नाईक निंबाळकर म्हणाले प्रथेप्रमाणे आज जिल्हा बॅंक अध्यक्ष, उपाध्यक्षांची निवडणुक बिनविराेध झाली आहे. आता पॅनलचे विषय संपले आहेत. आतले-बाहेरचे सगळं संपलं आहे. आपली जिल्हा बॅंक आंतरराष्ट्रीय स्तरावर कशी नेतील याकडे लक्ष देणार आहाेत. जगातील राेबाे बॅंकेशी तुलना व्हावी यासाठी सर्व सहका-यांचे पाठबळ मिळावे. दरम्यान बरच काही घडून गेलं आहे असे म्हणत रामराजे यांनी आता त्याकडे विषयाकडे न जाता बॅंकेच्या प्रगतीसाठी सर्वांनी प्रयत्न करावेत. शिवेंद्रसिंहराजेंनी मनाचा माेठेपणा दाखवून हे सगळं घडवून आणलं. त्यांचे मी आभार मानताे असे रामराजेंनी नमूद केले.

यावेळी खासदार उदयनराजे भाेसले, सहकारमंत्री बाळासाहेब पाटील, आमदार मकरंद पाटील, बॅंकेचे माजी अध्यक्ष शिवेंद्रसिंहराजे भाेसले, प्रदीप विधाते, रामभाऊ लेंभे आदी उपस्थित हाेते. यावेळी विद्यमान अध्यक्ष आणि उपाध्यक्ष यांच्या समर्थकांनी सातारा जिल्हा मध्यवर्ती सहकारी बॅंकेच्या मुख्य कार्यालया बाहेर फटाक्यांची आतीषबाजी केली.

edited by : siddharth latkar