सातारा : जिल्हा सहकारी कृषी ग्रामीण बहुउद्देशीय विकास बँकाकरीता शासनाने एकरकमी कर्ज loan परतफेड योजनेस ३१ मार्च २०२१ अखेर मुदतवाढ देण्यात आली असल्याची माहिती मनोहर माळी अवसायक सातरा जिल्हा सहकारी कृषी गामीण बहुद्देशीय विकास बँक मर्यादित सातारा तथा जिल्हा उपनिबंधक सहकारी संस्था सातारा यांनी दिली.

या योजनेचा लाभ घेण्यासाठी कर्जदार सभासदांनी मुदतीत अर्ज द्यावेत. या योजनेचा लाभ घेतल्याने कर्जदार कमी रक्कम भरून कर्जमुक्त होणार असून, त्यांच्यातारण गटावरील बँकेच्या बोजाची नोंदही कमी होणार आहे असे माळी यांनी स्पष्ट केले.

या योजने अंतर्गत व्याजाची आकारणी सहा टक्के दराने सरळव्याजाने करण्यात येणार आहे. शासनाच्या या एकरकमी कर्ज परतफेड योजनेचा लाभ घ्यावा असे आवाहनही श्री. माळी यांनी केले आहे.