सातारा : सातारा (satara) पालिके समाेरील पाण्याचा व्हाॅल्व्हला लागलेली गळती काढावी या मागणीसाठी भाजपच्या (bjp) नगरसेवकाने आज (साेमवार) सातारा पालिका कार्यालयातील अतिरिक्त मुख्याधिकारी यांच्या दालना बाहेर बादली भर पाणी ओतून कारभाराचा निषेध नाेंदविला.

सातारा पालिकेच्या समोरच पाण्याच्या व्हॉल्व्हला गळती लागल्याने लाखो लिटर पाणी वाया चालले होते. हे सर्वांना दिसत हाेते मात्र त्याबाबत काेणीच काही हालचाली करीत नव्हते. आज सातारा पालिकेच्या कारभारा विरोधात संतापलेल्या भाजपचे नगरसेवक सुनील काळेकर यांनी चक्क पालिकेत असणाऱ्या अतिरिक्त मुख्याधिकारी यांच्या कक्षा बाहेर पाणी ओतून निषेध व्यक्त केला.

नगरसेवक सुनील काळेकर यांनी गळतीमधून पडणारे पाणी घेऊन हे आंदोलन (satara bjp corporator agitation in muncipal corporation office) केले. यावेळी पालिकेच्या कारभारा विरोधात जोरदार घोषणा देखील देण्यात आल्या. काेळेकर यांच्या समवेत त्यांचे कार्यकर्ते आंदाेलनात सहभागी झाले हाेते.

edited by : siddharth latkar