Shegoan News : कोरोनोचे संकट दूर झाल्यानंतर प्रथमच यंदा संत गजानन महाराज मंदिर (Sant Gajanan Maharaj Mandir) भाविकांसाठी खुले झाले. आज संत गजानन महाराज यांचा प्रकट दिन (Sant Gajanan Maharaj Prakatdin) असल्याने लाखो भाविक गजानन महाराज यांच्या दर्शनासाठी शेगावात (shegoan) दाखल झाले आहेत.

या बराेबरच विविध राज्यातून वारकऱ्यांच्या हजारो दिंड्या दाखल झाल्या आहेत. आज भाविकांमध्ये प्रचंड उत्साह दिसून येत आहे. शेगाव गर्दीने फुलून गेले आहे. संत गजानन महाराज यांचे दर्शनासाठी लाखो भाविक (devotees) शेगावात दाखल झाले आहेत.

मंदिर परिसरात भाविकांच्या रांगा लागल्या आहेत. सर्वत्र भक्तिमय वातावरणात आहे. दिवसभर विविध धार्मिक कार्यक्रमाचे आयोजन् करण्यात आले आहे. उन्हाळाची झळ लागायला सुरुवात झाली असून तापमानात प्रचंड वाढ दिसून येत आहे.

त्यामुळे ठिकठिकाणी भाविकांना पिण्याच्या पाण्याची व्यवस्था करण्यात आली आहे. गण गणात बाेते या जयघाेषाने शेगाव नगरी दुमदुमन गेली आहे. काही भाविक दर्शन घेऊन परतीच्या मार्गाने मार्गस्थ होताना दिसत आहे. (Maharashtra News)

Edited By : Siddharth Latkar