वाशिम : आज शिवसेना खासदर संजय राऊत (Sanjay Raut) आज चार वाजता पत्रकार परिषद घेऊन भाजपच्या नेत्याचे भ्रष्ट्राचार समोर आणणार आहेत. त्यामुळं आज केंद्र सरकारने मुंबईत ईडीच्या चौकशा सुरू केल्या असल्याचं वक्तव्य काँग्रेसचे प्रदेशाध्यक्ष नाना पटोले यांनी वाशिमधे बोलताना केलं.

दाऊदचा भाऊ इकबाल कासरकर यांच्या संदर्भात विचारले असता देशात पाच राज्यात निवडणुका सुरू आहेत. त्यामुळं केंद्र सरकार विरोधक कसा चुकीचा प्रयत्न करीत दाखविण्यासाठी हे सत्र सुरू असल्याचही पटोले (Nana Patole) बोलत होते. आज ते वाशिम मध्ये पोहरादेवी येथे आले असता बोलत होते.

शिवसेनेचे खासदार संजय राऊत (MP Sanjay Raut) यांनी शिवसेना भवनामध्ये आपण महत्वाची महत्वाची पत्रकार परिषद घेणार असल्याची घोषणा काल केली होती आणि त्यामुळेच राऊत काय बोलणार याची सर्वच राजकीय नेते मंडळींसह राज्यातील शिवसैनिक आणि सामान्य जनतेलाही उत्सुकता लागली आहे. तसच आता पटोले यांच्या वक्तव्यावरुन राऊत हे भाजपच्या (BJP) नेत्यांना टार्गेट करत त्यांच्यावरती भष्ट्राचाराचे आरोप करणार असल्याचं स्पष्ट झालं आहे.

Edited By - Jagdish Patil