सातत्याने वादाच्या भोवऱ्यात असलेले आमदार संजय गायकवाड पुन्हा एकदा चर्चेत आलेत ते जमीन विकून शेतकऱ्यांना मदत केल्याच्या घोषणेनं.... संजय गायकवाडांनी चक्कं वडिलोपार्जित संपत्ती विकून 25 लाख रुपये टेबलवर ठेऊन पत्रकार परिषद घेतली आणि याच पैशांचा धनादेश दसरा मेळाव्यात उपमुख्यमंत्री एकनाथ शिंदेंकडे देणार असल्याचं जाहीर केलंय....

खरंतर संजय गायकवाडांनी संजय शालिग्राम हिंगेंसोबत जमिनीचा करारनामा केलाय.. त्यात 2 प्लॉट विकण्यात आलेत.. बाजारभावानुसार त्याची किंमत 4 कोटी 90 लाख इतकी आहे... मात्र या जमीनीचा इसार गायकवाडांनी शेतकऱ्यांसाठी देण्याचा निर्णय घेतलाय.. त्यावर काँग्रेसने आक्षेप घेतलाय..

अतिवृष्टीने शेतकरी उद्ध्वस्त झालाय.. आता शेतकऱ्याला उभं करण्यासाठी भरघोस मदत मिळावी म्हणून सरकारकडे पाठपुरावा करण्याऐवजी नेत्यांची मात्र चमकोगिरी सुरु आहे.. संजय गायकवाडांनी निवडणूक प्रतिज्ञापत्रात 4 कोटींची संपत्ती जाहीर केलीय.. शेतकऱ्यांच्या मदतीच्या नावाखाली त्यांनी नोटांच्या थप्प्याच टेबलावर मांडल्यात... खरंतर राज्यात एवढी भीषण परिस्थिती निर्माण झाली असताना पिचलेल्या शेतकऱ्यांच्या जीवावर प्रसिद्धी मिळवण्याचं धाडसं होतंच कसं? हे गायकवाड नेमके दानशूर की प्रसिद्धीशूर?