ऐकलंत... हे विधान केलंय... शिंदेसेनेचे बुलढाण्याचे आमदार संजय गायकवाड यांनी... त्याचं झालं असं की, चिखलीच्या भाजप आमदार श्वेता महाले यांच्या पतीच्या वाढदिवसानिमित्त बुलढाण्यात आयोजित कार्यक्रमादरम्यान वीजपुरवठा खंडित झाला होता. त्यानंतर नंतर महालेंनी संजय गायकवाड यांचं नाव न घेता टोला लगावला होता. यावर आमदार संजय गायकवाड यांनीही आक्षेपार्ह प्रतिक्रिया दिली होती. आक्षेपार्ह प्रतिक्रियेप्रकरणी एका 42 वर्षीय महिलेनं गायकवाडांविरोधात तक्रार दिली.

या तक्रारीनुसार, आमदार गायकवाडांविरोधात कलम 79 अंतर्गत गुन्हा दाखल करण्यात आलाय. गायकवाड काय बोलले होते ते पाहूया...दरम्यान, शिंदेसेनेचे आमदार संजय गायकवाड याआधीदेखील वादग्रस्त विधानांमुळे चर्चेत राहिलेत. शिकारीसह वाघाचा दात गळ्यात घातल्याप्रकरणी आमदार संजय गायकवाड यांच्यावर गुन्हा दाखल झाला होता. विरोधी पक्षनेते राहुल गांधींबाबत प्रक्षोभक विधान केल्यानं राज्यात वाद निर्माण झाला होता. आमदार निवासातील कॅन्टीनमध्ये निकृष्ट दर्जाचे आणि शिळे अन्न दिल्याच्या कारणावरून कर्मचाऱ्याला मारहाण केली होती. कॉ. गोविंद पानसरेंच्या 'शिवाजी कोण होता? या पुस्तकाचे प्रकाशक प्रशांत आंबी यांना शिवीगाळ आणि जीवे मारण्याची धमकी दिली होती

खरंतर, एप्रिल 2026 मध्ये प्रशांत आंबी यांनी कोल्हापुरात संजय गायकवाड यांच्याविरोधात तक्रार नोंदवली होती. मात्र, अद्यापही पोलिसांनी केवळ अदखलपात्र गुन्ह्याची नोंद केल्यानं संताप व्यक्त होत आहे. मात्र, आता भाजप आमदाराविरोधातील आक्षेपार्ह विधानानंतर पोलिसांनी तातडीनं कारवाई केलीये. त्यामुळे गायकवाड यांच्यावरील कारवाईमागे बुलढाण्यातील राजकीय वर्चस्वाची पार्श्वभूमी आहे का ? अशी चर्चा रंगू लागलीये. महाले विरुध्द गायकवाड यांच्यात वाद दिवसेंदिवस वाढत असतानाच या कारवाईमुळे शिंदे सेना विरुद्ध भाजपमधील शह-काटशहाचं राजकारण पुन्हा एकदा अधोरेखीत झालं आहे.