नांदेड : बांधकाम व्यावसायिक (कै.) संजय बियाणी (sanjay biyani) यांच्या पत्नी अनिता यांनी हार्ड डिस्क चाेरी प्रकरणी त्यांचे दिर प्रवीण बियाणी (pravin biyani) यांच्या विराेधात विमानतळ पोलिस (police) ठाण्यात रात्री उशिरा तक्रार दाखल केली. त्याची दखल घेत पाेलीसांनी (nanded police) प्रविण बियाणी याच्यावर गुन्हा दाखल केला आहे. (sanjay biyani latest marathi news)

संजय बियाणी यांच्या सुमारे दाेन महिन्यांपुर्वी हत्या झाली. या प्रकरणी नऊ जणांना नांदेड पाेलीसांनी अटक केली आहे. बियाणी यांची हत्या खंडणीसाठी झाल्याचा निष्कर्ष पोलिसांनी काढला आहे.

दरम्यान बियाणी यांच्या हत्येनंतर त्यांच्या कुटूंबात गृहकलह सुरु झाला आहे. संजय बियाणी यांच्या पत्नीने दीर प्रविण यांनी राज माॅल मधील कार्यालयातून फायनान्सच्या आर्थिक देवाण घेवाणीचा डाटा असलेला एक टीबी डाटा चोरुल्याचा आरोप करत विमानतळ पोलिस ठाण्यात रात्री उशिरा तक्रार दाखल केली.

या प्रकरणी प्रविण बियाणी विरोधात माहिती व तंत्रज्ञान कायद्या अंतर्गत 380 कलमान्वये गुन्हा दाखल करण्यात आला आहे. संजय बियाणी यांच्या हत्येमागील मास्टरमाइंड खलिस्तानी दहशतवादी हरविंदर सिंग रिंदा असल्याचे बाब उघड झाल्यानंतर पोलिसांनी आतापर्यंत 9 आरोपींना अटक केली आहे.

बियाणी यांच्या खुनाचे रहस्य उघडत असतानाच बियाणींच्या कुटूंबात गृहकलह सुरू झाला आहे. प्रविण बियाणी यांना छातीत दुखत असल्याने कालच (रविवारी) खाजगी रुग्णालयात उपचारासाठी दाखल करण्यात आले आहे.

Edited By : Siddharth Latkar