सांगली : सांगलीत रांगोळीतून महिला अत्याचाराचा संताप पाहायला मिळाला. 'मी सक्षमा ग्रुप'च्या रांगोळी स्पर्धेत, स्पर्धक महिलांनी महिला अत्याचाराची व्यथा आणि कथा मांडणाऱ्या रांगोळ्या काढत, वाढत्या महिला अत्याचाराविरुद्ध संताप व्यक्त केला. सांगलीत मी सक्षमा ग्रुपकडून महिलांसाठी रांगोळी स्पर्धा आयोजित करण्यात आली होती.

हे देखील पहा :

पूजा विशाल पाटील यांनी या स्पर्धेचे आयोजन केले होते. या स्पर्धेत महाराष्ट्राचे सण, महिला अत्याचार, कोरोनानंतरचे जग, आपला आवडता सण असे विषय देण्यात आले होते. यामध्ये बहुतांशी महिलांनी महिला अत्याचार हा विषय निवडत महिला अत्याचार दर्शविणाऱ्या बोलक्या रांगोळ्या काढून स्पर्धेच्या माध्यमातून महिलांवरील अत्याचाराला वाचा फोडली आहे.

याचबरोबर मुली वाचवा, स्त्री शक्ती यासारख्या विषयावर प्रकाश झोत टाकणाऱ्या रांगोळ्या चर्चेचा विषय बनल्या आहेत. या रांगोळी स्पर्धेमुळे महिलांना आपल्या भावना आणि समाजात महिला अत्याचार वाढले आहेत, हे मांडण्याचे मोठे व्यासपीठ 'मी सक्षमाच्या' माध्यमातून मिळाले आहे.

Edited By : Krushnarav Sathe