सांगली : कंपनीतील काम सोडल्याचा रागातून चिडून जाऊन बालाजी मोहन भोसले या युवकावर आठ जणांनी हल्ला केला. या प्रकरणी सांगली शहर पाेलिसांनी (police) भाेसले याच्या तक्रारीनंतर आठही जणांवर गुन्हा दाखल केला. (Sangli Latest Marathi News)

या घटनेबाबत पाेलिसांत नाेंदविलेल्या तक्रारीत बालाजी भोसले याने कंपनीतून काम सोडल्याचा रागातून चिडून जाऊन आठ जणांनी त्याला प्लॅटच्या खाली बोलावले. तेव्हा अर्जुन पाटील याने हेलमेटने बालाजीच्या डोक्यात पाठीत मारहाण केली. संतोष घाडे यांनी जीवे मारण्याची धमकी देत बालाजीचा मोबाईल काढून घेतला. इतर संशयितांनी त्याला मारहाण केली.

दरम्यान मारहाणी नंतर बालाजीला जबरदस्तीने गाडीत घालून विश्रामबाग येथे नेले. पोलिसांनी हा प्रकार कळल्यानंतर तात्काळ चौकशी सुरू केली. यावेळी पोलिसांनी संशयितास फोन केल्यानंतर बालाजीला आंबराई येथे आणून सोडले.

त्यानंतर बालाजीने सांगली शहर पोलीस ठाण्यात आठ जणांविराेधात तक्रार दिली. याप्रकरणी लक्ष्मण भानुसे, अर्जुन पाटील, संतोष घाडी, सतीश पुडलिंक उर्फ बंडू, रवी गावडे, अज्ञात चालक आणि दुचाकीवरील तरुण अशा आठ जणांविरोधात सांगली शहर पोलीसांनी गुन्हा दाखल केला आहे.

Edited By : Siddharth Latkar