सांगली : स्वातंत्र्यवीर सावरकरांच्या विरोधात अपशब्द उच्चारल्याबद्दल सांगली शहर जिल्हा भाजपच्या (BJP) वतीने काँग्रेस नेते राहुल गांधी (Rahul Gandhi) यांचे विरोधात तीव्र आंदोलन करण्यात आले. तसेच राहुल गांधी विरोधात तिव्र घोषणाबाजी देखील केली. (Maharashtra News)

भारत जोडो यात्रेदरम्‍यान (Congress) कॉंग्रेस नेते राहुल गांधी यांनी आपल्‍या भाषणात स्‍वातंत्र्यवीर सावरकर यांचा इतिहास सांगताना त्‍यांच्‍‍याबद्दल अपशब्‍द वापरले. याचे पडसाद राज्‍यभरात उमटत आहेत. यात (Sangli) सांगली शहर भाजपच्‍यावतीने गांधी यांच्‍या विरोधात आंदोलन करण्यात आले.

पोस्‍टरला मारले जोडे

राहुल गांधी यांच्या प्रतिकात्मक पोस्टरला जोडे मारून त्यानंतर त्याचा पोस्टर जाळण्यात आले. राहुल गांधी यांच्या विरोधात तिव्र निदर्शने करण्यात आली. सांगलीचे आमदार सुधीर गाडगीळ यांच्या जनसंपर्क कार्यालयासमोर आंदोलन करण्यात आले. या आंदोलनात सर्व महिला पदाधिकारी, नगरसेवक, पदाधिकारी सहभागी होते.