सांगली : सांगलीत एका पोलीस हवालदाराने राहत्या घरी गळफास घेऊन आत्महत्या केली. रात्री उशिरा सदर घटना घडली असून आज सकाळी प्रकार उघडकीस आला आहे. (sangli news police constable commits suicide)

सांगलीतील (Sangli) विश्रामबाग पोलीस लाईनमध्‍ये वास्‍तव्‍यास असलेले रामचंद्र बिरणगे (वय ४६) असे पोलीस हवालदाराचे नाव असून आज सकाळी हा प्रकार उघडकीस आला. रामचंद्र बिरणगे हे सांगली शहर पोलीस (Police) ठाण्यात हवालदार म्हणून कार्यरत होते.

चार दिवसांपुर्वी घरात झाली होती चोरी

चार दिवसांपूर्वी त्यांच्या घरी चोरी झाली असल्याची फिर्याद त्यांच्या पत्नी आरती यांनी संजयनगर पोलीस ठाण्यात दिली होती. याबाबत त्यांनी सुजाता तानाजी हेगडे या संशयित महिलेविरोधात तक्रार दिली होती. त्यानुसार सुजाता हेगडे या महिले विरोधात गुन्हा दाखल झाला होता. या घटनेनंतर रामचंद्र बिरणगे यांनी गुरुवारी मध्यरात्री राहत्या घरी गळफास घेऊन आत्महत्या (Suicide) केली. ही घटना आज शुक्रवारी सकाळी उघडकीस आली. याबाबत अद्याप पोलिस ठाण्यात कोणतीही नोंद झालेली नाही.