Sangli Gopichand Padalkar News : खासदार संजय राऊत पूर्ण वेडा झालेला माणूस आहे. त्यांना आता कृपामय रुग्णालयात दाखल करण्याची गरज आहे. तसेच खासदार राऊत यांनी शिवसेनेची राखरांगोळी केली आहे अशी टीका भाजपा आमदार गोपीचंद पडळकर यांनी केली आहे. (Latest Marathi News)

शरद पवारांच्या हातात हात घालून शिवसेना संपवून सुद्धा संजय राऊत (Sanjay Raut) गप्पा बसायला तयार नाही. अनेक ठिकाणी वेगवेगळी टीका करत आहेत. त्यांच्या सांगलीच्या दौऱ्यात राष्ट्रवादी कार्यकर्ते यांच्यासोबत होते. त्यामुळे यांची अवस्था म्हणजे म्हसोबाला नाही बायको आणि सटवाईला नाही नवरा, अशी झाली आहे अशी टीका देखील गोपीचंद पडळकर (Gopichand Padalkar) यांनी केली आहे.

हे लोक आता एकमेकांना सांभाळून घेत आहेत. राज्यातलं राहील बाजूला आणि हे लोक आता देशातली भाषा बोलायला लागलेली आहेत,त्यामुळे त्यांना आता कृपामय या ठिकाणी दाखल करण्याची नितांत गरज आहे असा टोला आमदार गोपीचंद पडळकर यांनी संजय राऊत यांना लगवला आहे. (Maharashtra Political News)

शरद पवार यांच्यासह विरोधी पक्ष नेत्यांनी पंतप्रधान यांना दिलेल्या पत्रावरून बोलताना पडळकर म्हणाले, शरद पवार नेहमी जे बोलतात त्याच्या उलट करतात, आणि त्यांच्या कृतीतून ते दिसून येईल,असा टोलाही गोपीचंद पडळकर यांनी लगावाला आहे.