सांगली : जागतिक महिला दिनाच्या निमित्ताने सांगलीमध्ये विविध महिला संघटनांकडून केंद्र सरकार विरोधात (Sangli News) आंदोलन करण्यात आला आहे. गॅस दर आणि महागाई विरोधात महिलांनी रस्त्यावर चूल पेटवून केंद्र सरकारच्या गॅस (Gas) दरवाढीचा निषेध नोंदवला आहे. (Tajya Batmya)

देशभर आणि जगभरात जागतिक महिला दिन आज साजरा होत आहे. असे असताना सांगली येथे जनवादी महिला संघटना, अखिल भारतीय किसान सभा महिला संघटना आणि अंगणवाडी कर्मचारी संघटना यांच्यावतीने सांगली शहरातल्या स्टेशन चौक येथे आंदोलन केले. संतप्त महिलांनी केंद्र सरकारच्या गॅस दरवाढी विरोधात आंदोलन केले आहे.

आंदोलनातून महिलांच्‍या व्‍यथा

आंदोलनात महिलांनी चुलीवर भाकऱ्या थापून आणि स्वयंपाक करत गॅस दरवाढीचा निषेध नोंदवला आहे. गॅस दर आणि महागाई वाढल्याने याचा सर्वाधिक त्रास महिलांना होतो. त्यामुळे महिला दिनाच्या पार्श्वभूमीवर महिलांच्या व्यथा मांडण्यासाठी हे आंदोलन करण्यात आल्याचे यावेळी स्पष्ट करण्यात आले.