सांगली : चीनमध्ये पुन्हा कोरोनाने डोके वर काढले आहे. त्यामुळे जिल्हा प्रशासन सतर्क झाले आहे. सध्या धोका नसला तरी उपाययोजना सुरू करण्यात आल्या आहेत. मिरजेच्या शासकीय रुग्णालयामध्ये कालपासून कोरोना (Corona News) रुग्णांसाठी 50 खाट आरक्षित करण्यात आल्‍याची माहिती डॉ. रुपेश शिंदे यांनी दिली. (Letest Marathi News)

यापूर्वीच्या कोरोना लाटेमध्ये मिरजेतील (Miraj) शासकीय रुग्णालयात स्वतंत्र असे कोरोना रुग्णालय स्थापन करण्यात आले होते. हजारो रुग्णांवर येथे उपचार करण्यात आले. (Coronavirus) कोरोना गेल्यानंतर इतर रुग्णांसाठी हे रुग्णालय (Hospital) खुले करण्यात आले होते. आता चीनमध्ये पुन्हा कोरोनाने डोके वर काढले आहे. त्यामुळे नजीकच्या काळात नसली तरी दीर्घ काळाने कोरोना पुन्हा भारतात येण्याची शक्यता वर्तविण्यात आली आहे.

शासनाने जिल्हा प्रशासनाला सतर्क राहण्याचे आदेश दिले आहेत. त्यामुळे प्रशासनाने मिरज शासकीय रुग्णालयात पुन्हा कोरोना विभाग सुरू करण्याचे आदेश दिले आहेत. मिरज शासकीय रुग्णालयात कोरोना रुग्णांसाठी 50 खाटा आरक्षित करण्यात आल्या आहेत.

ऑक्सिजन प्लांटही कार्यान्‍वीत

ऑक्सिजन प्लांट येथे पूर्वीच उभारण्यात आला होता. त्याचे विजेचे बिल रुग्णालयाला परवडत नसल्याने ते बंद होते. ते आता पुन्हा कार्यान्वित करण्यात आले आहे. या ऑक्सिजन प्लांटसाठी सौर ऊर्जा प्रकल्प सुरू करण्यात येणार आहे. कोरोना रुग्णासाठी लागणार्‍या इतर साहित्याची व्यवस्था करण्यात येणार आहे.