सांगली ः ऊसबिल अदा करण्याबाबत सरकारने नियमावली केली आहे. एफआरपीप्रमाणे पैसे न दिल्यास त्या साखर कारखान्यावर कारवाई केली जाते. असे असतानाही सांगलीतील साखर कारखान्याने शेतकऱ्यांचे पैसे थकवले आहेत. अनेकदा आंदोलने करूनही बिल अदा केले जात नाही.Sangli Farmers Association agitation for payment of sugarcane

सांगलीच्या तासगाव आणि नागेवाडी या 2 साखर कारखान्याचे चेअरमन खासदार संजयकाका पाटील यांनी शेतकऱ्यांच्या तोंडाला पाने पुसली आहेत. गेल्या आठ महिन्यांपासून स्वाभिमानी शेतकरी संघटनेचे अध्यक्ष महेश खराडे यांच्या नेतृत्वाखाली उसबिलासाठी विविध प्रकारचे आंदोलन सुरू आहे. मात्र, उसबिल अद्याप मिळाले नाही. त्यामुळे आज जिल्हाधिकारी कार्यालयावर स्वाभिमानी शेतकरी संघटनेचे सर्व पदाधिकारी आणि शेतकऱ्यांनी चड्डी-बनियान मोर्चा मोर्चाने जाऊन प्रशासनाचे लक्ष वेधले. यावेळी संदीप राजोबा आणि शेतकरी मोठया संख्येने सहभागी झाले होते.  Sangli Farmers Association agitation for payment of sugarcane

शेतकरी काबाड कष्ट करून ऊस पिकवतो. आणि हे साखरसम्राट शेतकऱ्यांचे बिल देण्यात कुचराई करीत आहेत. खासदार संजय काका पाटील यांना सदबुद्धी यावी आणि या शेतकऱ्यांचं थकीत बिल द्यावे अन्यथा नग्न अवस्थेमध्ये आंदोलन करावे लागेल, असा इशारा स्वाभीमानी शेतकरी संघटनेचे महेश खराडे यांनी दिला.