सांगली : सांगली (sangli) शहरात एका वाहनावर पोलिसांनी छापा टाकून साडेपाच लाखांचा गुटखा (gutkha) जप्त केला आहे. ही कारवाई वाहतूक नियंत्रक पोलिसांनी (police) केली. याप्रकरणी संजयनगर पोलिस ठाण्यात पोलिस सुशांत गुलाबराव पाटील यांनी तक्रार दिली आहे. (sangli crime news)

पोलिसांनी याप्रकरणी आलताफ इस्माईल शेख या संशयितास अटक (arrest) केली आहे. त्याच्याकडून जीपसह सुमारे नऊ लाखांचा मुद्देमाल जप्त करण्यात आला आहे. शनिवारी रात्री उशिरा कुपवाड फाटा येथे सुशांत पाटील हे वाहनांची तपासणी करीत होते. त्यावेळी जीपची तपासणी करताना त्यामध्ये तंबाखू, गुटखा दिसून आला.

यामध्ये चार लाख ४१ हजार रुपये किंमतीचा हिरा पान मसाला ३५ पोत्यांत मिळून आला. त्याशिवाय एक लाख १० हजार २५० रुपयांची रॉयल तंबाखू ३५ पोत्यांत मिळून आली. शेख हा कर्नाटकातून हा गुटखा घेऊन येत होता. त्यामुळे त्याला ताब्यात घेऊन त्याच्या विरोधात संजयनगर पोलिस ठाण्यात गुन्हा दाखल करण्यात आला. शेख याला रात्री उशिरा अटक करण्यात आली.

Edited By : Siddharth Latkar