सांगली : सांगलीच्या मिरज तालुक्यातील बेडगमध्ये रात्री जमिनीच्या वादातून सख्या चुलत भावाकडून भावाचा खून (Sangli News) झाल्याची घटना घडली.कुऱ्हाडीने मानेवर वार करुन हा खून करण्यात आला आहे. बंडू शंकर खरात (वय ५०) असे मयताचे नाव आहे. रात्री आठ ते नऊच्या दरम्यान कुऱ्हाडीने हल्ला (Crime News) करून निर्घृण खून करण्यात आला. (Maharasthra News)

सांगलीच्‍या बेडगमध्‍ये मल्लेवाडी रस्त्यावर खरात वस्ती येथे घटना घडली. बंडू खरात यांचा चुलत भाऊ सचिन खरात यांच्याशी जमिनीचा वाद सुरू होता. दरम्‍यान सोमवारी रात्री वाद विकोपाला गेला. त्याचे पर्यवसान खुनामध्ये झाले. वादात खरात यांच्या मानेवर, तोंडावर, पाठीवर घाव घालण्यात आले. त्यामुळे त्यांचा जागीच मृत्यू झाला.

आरोपी अटकेत

मिरज ग्रामीण (Police) पोलिस ठाण्याचे अधिकारी व कर्मचारी घटनास्थळी त्वरित दाखल झाले. खुनानंतर आरोपी सचिन बबन खरात (वय ३०) याला ग्रामीण पोलिसांनी अटक केली आहे. तसेच या खुनात वापरलेली कुऱ्हाडही जप्त केली आहे.