पिंपरी- चिंचवड : अमेरिकेतून भारतात येत असून दिल्ली येथे कस्टम ऑफिसरने पकडल्याचे सांगून एकाची दोन लाख रुपयांत (Fraud) फसवणूक करण्यात आली. सदर घटना १७ ऑगस्ट ते २५ सप्टेंबर या कालावधीत सांगवी परिसरात घडली आहे. या प्रकरणी (Police) पोलिसात गुन्हा दाखल करण्यात आला आहे. (Maharashtra News)

पोलिसांनी दिलेल्या माहितीनुसार आरोपी आणि फिर्यादी यांची व्हाट्सअपवरून ओळख झाली. दरम्यान, आरोपींनी फिर्यादी यांच्यासोबत मैत्री केली. त्यानंतर आपण अमेरिकेतून भारतात येत असल्याचे सांगितले. तसेच आपल्याला (Cyber Crime) दिल्लीतील कस्टम ऑफिस येथे पकडले असल्याचे देखील सांगितले. त्यानंतर कस्टमपासून सुटका करण्यासाठी आरोपींनी फिर्यादीकडून वेळोवेळी दोन लाख ३ हजार ५०० रुपये घेऊन फिर्यादीची फसवणूक केली आहे. 

महिलेसह एकावर गुन्हा दाखल  

सदर फसवणुकीच्या घटनेत जितेशकुमार वशिष्ठ बरनवाल यांनी सांगवी पोलीस ठाण्यात फिर्याद दिली आहे. या फिर्यादीवरून डॉ. केलीमिचेल आणि एक अनोळखी महिला यांच्या विरोधात गुन्हा दाखल करण्यात आला आहे. पोलिसांकडून त्यांचा शोध सुरु आहे.